Dichter Elmar Kuiper hat ôfrûne wike yn Calcutta (Kolkata) west foar it poëzyfestival Chair Poetry Evenings. Dêr wienen se bot ûnder de yndruk fan de yn Jorwert wenjende dichter. De bedoeling is dêrom dat der takom jier in blomlêzing út Kuiper syn wurk ferskine sil. Dat bart by Copper Coin, in útjouwerij dy’t spesjalisearre is yn ynternasjonale poëzije. Yn earste ynstânsje sille de oersettings yn it Ingelsk wêze, mar mooglik ek yn it Hindy.
