Fan ‘e middei is yn in folle Stedskas op it Aldehoustertsjerkhôf bekendmakke dat de nije Dichter fan Fryslân net ien minder as Nyk de Vries is. It bestjoer fan it Skriuwersboun lokwinsket Nyk mei dizze earfolle funksje en seit tank oan Eeltsje Hettinga foar de tige produktive, poëtyske twa jier.
Takom jier is it 75 jier lyn dat der in ein kaam oan de Twadde Wrâldoarloch. Wy libje 75 jier yn frijheid, mar wat betsjut dat foar ús? Wat is frijheid presys? Wurdearje wy de frijheid noch genôch? Wat is it effekt fan it frij wêzen foar ús?
Frysk histoarysk en letterkundich sintrum Tresoar ropt skriuwers en dichters op om oer it tema ‘75 jier frijheid’ yn it Frysk, of ien fan de Fryske streektalen, ferhalen en gedichten te meitsjen. Doch mei!
In koart ferhaal mei tusken de 750 en 1750 wurden wêze; in gedicht mei tusken de 75 en 750 wurden wêze. Stjoer de teksten yn foar 1 febrewaris 2020 nei meindert.reitsma@tresoar.nl. Sjoch op de webside fan Tresoar foar mear ynformaasje oer de krekte betingsten.
Prizen
De earste priis foar it bêste ferhaal/gedicht is € 750, de twadde priis € 500 en de tredde priis € 250. De prizen wurde útrikt en de priiswinnende ferhalen en gedichten wurde publisearre yn de april-edysje fan Letterhoeke, it blêd fan Tresoar en de Freonen fan Tresoar.
Sjuery
De sjuery, besteande út Doeke Sijens, Eric Hoekstra en Nienke Jet de Vries, beoardielet de teksten anonym.
Op 12 desimber jouwe Babs Gezelle Meerburg en Lida Dykstra in lêzing oer froulju yn ‘e Fryske literatuer. Muzikaal yntermezzo is fan Tet Rozendal en Tseard Nauta. De lêzing is yn OBE en begjint om 19:30 oere.
Goethe maakte een reis naar Italië en Rilke naar Rusland,
En als een ander mens kwamen zij terug.
Ik ben op mijn oude dag naar Harlingen geweest
Vijf sprekers over het werk van de grote Friese dichter Obe Postma (1868 – 1963): Jan Kuijper, Eeltsje Hettinga, Anne Feddema, Klaske Oenema en Marjoleine de Vos, presentatie Martin Reints.
Obe Postma werd als boerenzoon in Cornwerd geboren, een dorpje waarvan je de kerktoren ziet als je over de Afsluitdijk naar Friesland rijdt. Hij publiceerde vanaf 1900 gedichten. In de Friese poëzie hebben die gedichten grote invloed gehad. In 1947 werd hem als eerste de prestigieuze Gysbert Japicxprijs toegekend. Ook buiten Friesland is hij bekend sinds Jabik Veenbaas een keuze uit zijn werk had vertaald. Schrijvers als Gerrit Krol, Ed Leeflang en Michaël Zeeman waren uitgesproken liefhebbers.
Zijn gedichten roepen heldere beelden op van het gewone leven, dat voor hem altijd een afspiegeling is van iets groters. Zijn werk zit vol verleden, maar hij slaagt erin nooit nostalgisch te worden: voor hem lopen de herinneringen over in het heden. Heel bijzonder is zijn toon – het is soms of je hem hoort praten.
Een ander mens kon ik niet worden, maar ik heb hoog op de bolwerktuin gestaan –
Een jonge matroos zat op een bank en twee kapiteins kuierden het paadje af.
Diep zag ik neer op de schepen in de stadsgracht en de bomen van de buitensingel;
Ik rook de teerlucht en ook iets van de zee – en helemaal dezelfde ben ik niet gebleven.
De avond wordt georganiseerd door het Obe Postma Selskip. Voertaal Nederlands; de besproken gedichten worden in het Fries en in vertaling geprojecteerd.
11 december 2019
Zaal open: 19.30
Entree: € 10, studenten € 5
Leden van het Obe Postma Selskip gratis, mits ze van tevoren reserveren: martinreints@xs4all.nl
Waling Dykstra (1821-1914), bakker, boekbiner en -ferkeaper, is ien fan de belangrykste grûnlizzers fan de Fryske literatuer. Likernôch 75 jier lang hat dizze autodidakt de Friezen leard om har eigen taal te lêzen, te skriuwen en om der yn te sjongen en toaniel yn te spyljen. Syn ynfloed as skriuwer, dichter, sjoernalist en folkskundige op de Fryske taal en kultuer is grutter as dy fan hokker oare skriuwer ek. Syn maatskippij-krityske toan, striid foar it Frysk en ynset foar sosjale rjochtfeardigens en emansipaasje fertsjinje mear as hûndert jier nei syn dea ús folle omtinken. Mei de tentoanstelling ‘Waling Dykstra – Foarútgong’ bringt Tresoar de skriuwer wer yn it Fryslân fan hjoed-de-dei.
De tentoanstelling is fan 21 septimber ôf te sjen yn Obe, poadium foar literatuer, keunst en taal. Om de tentoanstelling hinne wurde ferskate aktiviteiten organisearre, dy’t de ferbining lizze tusken it tema fan de tentoanstelling en aktuele, relevante ûnderwerpen. Dichters, muzikanten en keunstners bringe de dialooch op gong. Hoe brûksto Spoken Word om dy út te sprekken yn de taal dy’t it meast tichtby leit?
Sjoch foar de programmearring yn OBE op de webside fan Tresoar.
It jierlikse festival Explore the North fynt dit jier plak fan 22 oant en mei 24 novimber. Yn dat wykein binne der trije Skriuwersbounleden dy’t elk mei harren eigen ûnderdiel acte de présence jouwe.
Heitelânsdichter Tsead Bruinja sil tegearre mei Babs Gons in reaksje jaan op it boek Alleen de bergen zijn mijn vrienden fan Iraaks-Koerdyske sjoernalist Behrouz Boochani yn ‘e Waalske Tsjerke op freed 22 novimber om 21:00 oere.
Dichter Sytse Jansma hat yn 2018 nei Kenia west mei Frank Keizer. Hja sille oer harren befinings dêr prate. ‘Sytse Jansma nimt dy mei nei plakken yn Kenia dêr’t er ta grutte ynsjoggen kaam.’ Dat sil heve op saterdei 23 novimber om 19:45 oere yn OBE (Aldehoustertsjerkhôf).
Dichter Syds Wiersma is keppele oan in gamer en hat nei oanlieding fan syn ferhaal in proazagedicht skreaun. Sa binne der noch twa gamers en skriuwers. De gamers sille it skreaune ferhaal of fers foarlêze op saterdei 23 novimber om 18:30 oere en 21:30 oere yn OBE (Aldehoustertsjerkhôf).
Sjoch foar mear ynformaasje en foar it folsleine program op: http://www.explore-the-north.nl/nl
Op tongersdei 21 novimber om 15:30 oere binne jo fan herte útnûge om oanwêzich te wêzen by de feestlike ynstallaasje fan de nije Dichter fan Fryslân. De offisjele beneaming troch deputearre Sietske Poepjes fynt plak yn de ‘Stadskas’ op it Aldehoustertsjerkhôf, op it Explore the North Festival yn Ljouwert.
Dizze feestlike middei wurdt mei mooglik makke troch Explore the North en Dichter bij Leeuwarden. De presintaasje is yn hannen fan Eva Meijering.
Mei in soad foldwaning sjocht it bestjoer werom op in tige slagge Jubileumfeest yn it smûke Grou, dêr’t tagelyk ek it boek Nearnewâld presintearre waard.
Wy tankje elkenien dy’t der by oanwêzich wie, de seal siet moai fol, der wie romte om te praten en te dûnsjen.
Bestjoerslid Geart Tigchelaar hat op ’e jûn wakker foto’s makke. Om inkelde dêrfan te pleatsen op ús webside en/of sosjale media hawwe wy jimme tastimming nedich, fanwegen de nije privacywet. Dat hie fuort by de yngong moatten, mar dat is ús troch alle oare drokten ûntgien. Dêrom freegje wy jo fia dizze wei oft jo jo oppenearje wolle bywannear’t jo net wolle dat in foto dêr’t jo werkenber op steane op ynternet ferskynt. Soenen jo dat dwaan wolle foar moandei 18 novimber.
